नेपालको संविधान, २०७२ ले परिकल्पना गरे बमोजिम नेपालले पूर्ण संघीयताको ढाँचा अवलम्बन गरि संविधानको धारा ५६ बमोजिम ३ तहका सरकार गठन हुने व्यवस्था गरेको छ । केन्द्रमा संघीय सरकार, ७ वटा प्रदेश सरकार र ७५३ वटा स्थानीय तहका स्थानीय सरकारको व्यवस्था गरि तीनै तहका सरकारको अधिकार, कर्त्तव्य र कार्य पद्धतिको समेत व्यवस्था नेपालको संविधान, २०७२ मा उल्लेख भएको छ । सोही अनुसार मधेस प्रदेशमा भूमि व्यवस्था, कृषि, पशुपन्छी तथा मत्स्य र सहकारी क्षेत्र हेर्न भूमि व्यवस्था कृषि तथा सहकारी मन्त्रालय अन्तरगत सिराहा जिल्लामा भेटेरिनरी अस्पताल तथा पशु सेवा विज्ञ केन्द्रको स्थापना भएको छ । प्रदेश सरकार मातहत यो कार्यालय जिल्ला स्तरमा पशुपन्छी तथा मत्स्य क्षेत्रको एक मात्र सरकारी प्राविधिक निकाय (Governmental technical entity) को रुपमा रहेको छ ।

जिल्लामा रहेका १७ वटा स्थानीय तहहरु विच समन्वय र सहकार्यको माद्यमबाट पशुपन्छी तथा मत्स्य विकास सम्बन्धी सेवा टेवा पूरयाउनु यस कार्यालयको प्रमुख लक्ष्य हो। पशुपालन व्यवसायलाई थप व्यावसायिकीकरण र उत्पादनमुलक बनाउन विभिन्न प्रादेशिक अनुदान तथा प्रोत्साहनका कार्यक्रमहरु पनि संचालन भएका छन् | पशुपन्छीको उत्पादन र उत्पादकत्व वृद्धिका लागि पशुपन्छी गोठ खोर व्यवस्थापन तथा पशु आहारा व्यवस्थापनको महत्व दृष्टिगत गरि सोहि अनुरुपका विभिन्न अनुदान तथा प्रोत्साहनका कार्यक्रमहरु कार्यान्वयन गरिएका छन्

सूचनाहरु

• मौजुदा सूचीमा दर्ता हुने सम्वन्धी सूचना।
• कृत्रिम गर्भाधान सम्वन्धी जानकारी
• भ्याक्सिनेटर सूचिकृत हुन सम्वन्धी सूचना।।
• गाई भैसिमा लाग्ने लम्पि स्किन रोग बारे जानकारी
• सुचना नं.४- मिति २०८१-११-२९ गते प्रकाशित आ.व.२०८१/८२ को स्विकृत विभिन्न वार्षिक कार्यक्रमहरूको प्रस्ताव आह्वानको सूचना।